الأربعاء 08/مايو/2024 - 05:10 م

تحدثت الفنانة نيللي، عن الفوازير وعشقها الدائم لها، مشيرة إلى أن الجمهور ما زال يشيد بها، كما كشفت عن موقفها من الاعتزال.

وقالت نيللي خلال تصريحات تليفزيونية: فترة اختفائي دي مقصودة، والفوازير بالنسبالي هي حياتي، أنا طلعت كل الموهبة اللي عندي من رقص وغنا وتمثيل فيها، والجمهور بيقولي كلام رائع، والفوازير دي كانت زمان أوي ودلوقتي بتتعاد والأجيال الجديدة كمان بقت تشوفها.

وأضافت نيللي: دايما كانوا بيقولولي نيللي رمضان، قولت لأبويا هو أنت اسمك رمضان ومش قايلي؟

كما كشفت نيللي موقفها من اعتزال الفن بشكل نهائي، قائلة: حكاية أرجع دي مش هتحصل.. وأنا معتزلتش بشكل صريح بس أنا جوايا فنانة وبشوف كل الأمور بطريقة فنية وده ساعدني كتير.

 حقيقة اعتزال نيللي

وسبق وتحدثت نيللي عن اعتزالها الفن،وقالت خلال تصريحات تليفزيونية سابقة: ابتعدت عشان أوحشكم، ويا بخت من زار وخفف، ومفيش وقت معين للظهور، أنا بعتذر دايمًا إني أطلع وأظهر في البرامج الحوارية، لكن يمكن تيجي في دماغي مرة أوافق وأعمل فوازير.

كما كشفت في وقت سابق، السر وراء قبولها الفوازير في بداية حياتها الفنية، مشيرة إلى أنها في البداية؛ كانت ترفض المشاركة في الفوازير، لكن فور علمها بأن الفوازير بها استعراضات، وافقت على الفور.