إذا اختلفت الوجبة لم يختلف فعل صاحبها، فكلهم "مصطفى أبوحجر"، وبين ليلة وضحاها، أصبح حديث السوشيال ميديا هو القصة بين "نور وإسلام"، والتي عرفت إعلاميًا بقصة "إسلام برجر"، حيث فوجئت فتاة تدعى "نور" بزواج خطيبها وأن لديه أولادًا، وذلك بعد قراءة الفاتحة والارتباط بينهما والذي دام لـ9 سنوات.

سبب التسمية بـ"إسلام برجر"

وأطلق رواد مواقع التواصل الاجتماعي اسم "إٍسلام برجر" بسبب تعليق الشاب على خطيبته، ليبرر أنه أخبرها بزواجه فيما قبل حينما كانوا يأكلون البرجر، مرددًا: "افتكري يوم ما كلنا برجر قولتلك إيه آخر مرة"، وهو ما أثار سخرية الجميع، قائلين: "أيوة عايزين نعرف قولتلها إيه بعد ماكلتوا البرجر".

بداية القصة

بداية القصة عندما كتبت "نور" على صفحتها: "‏إحساس وحش أوي، إن بعد قراءة فاتحتي بيوم؛ أكتشف إنه متجوز ومخلف، والمفروض إني أعرف الشخص ده بقالي 9 سنين، موضوع مضحك أوي، حقيقي أنا مصدومة صدمة عمري".

وأضافت: "مش مستوعبة إن الناس بتعرف تكدب بالشكل ده، مش مستوعبة إني بعد كل السنين دي طلعت عايشة في كدبة، الحمد لله على كل شيء وكان من سنين يقول: أصل مش بفتح الفيسبوك خالص، طلع كل ده علشان متجوز، ومش عايز إني أكشفه، يلَّا الحمد لله على إنه كشفه على حقيقته، صدمة شديدة أوي، بس ربنا مش بيعمل حاجة وحشة".

ليرد خطيبها الذي يدعى إسلام رضا المعروف بـ إسلام برجر، فقال: «كله سمع من وجهة نظرها وأنا في الآخر حياتي بايظة من ساعة ما عرفتها، لو سمحت محدش ليه دعوة بحياتي، اخرجي منها، ابعدي عني، بتجيبي سيرتي ليه، كفاية اللي حصل وبيحصل من تحت راسك، ابعدي عني».

واستطرد إسلام برجر حديثه، قائلًا: «أنا عندي بيتي وعيلتي، معنديش أغلى منهم، أنا بكرهك ابعدي عني، وعند الله تجتمع الخصوم، كفاية بقى مش عايز أعرفك تاني، ابعدي».

وردت عليه الفتاة: «هل كنت معرفني أنك متجوز؟»، ليرد عليها: «افتكري يوم ما كلنا بناكل برجر قولتلك إيه آخر مرة»، فقالت الفتاة: «قالي إنه هيتجوز بنت عمه عشان مشاكل الورث، هو كده مقتنع إنه قالي إنه متجوز ومخلف باين».

ردود الفعل لرواد مواقع التواصل الاجتماعي

تباينت ردود فعل رواد مواقع التواصل الاجتماعي، بين الجد والهزل، ليتصدر "إسلام برجر"، قائمة "كوميكسات وميمز" السوشيال ميديا.

وعلق أحد المغردين على "تويتر"، قائلًا: "الموضوع تقيل أوي حقيقي اللي هو ٩ سنين وقراءة فاتحة مفيش مرة ف مكالمة الطريقة أو التوقيت وضحوا حاجة، التفكير إن شخص يكون واصل لكده أصلا ربنا رحمك منه وربنا يعوضك خير إن شاء الله".

فيما قالت إحدى رواد موقع "توتير": "كلهم مصطفي أبوحجر.. كلهم مصطفي أبو تورتة.. كلهم إسلام برجر.. ومازالت القائمة طويلة".

لماذا ربط جمهور السوشيال ميديا بين إسلام برجر ومصطفى أبوتورتة؟

في أكتوبر 2019، أي منذ عامين، نشرت فتاة قصة عن خطيبها الذى تركها فجأة هو وأسرته فى قاعة الحفلات دون إتمام الخطبة زاعمًا، أن خاله مريض، واتهمته وأهله بسرقة عدد من "تورت" الحفل قبل المغادرة.

ونشر القصة حساب فتاة باسم "نهال شعبان" حكت من خلاله تفاصيل القصة: "أنا كان مقرى فتحتى زى ما كله عارف على مصطفى وخطوبتى كانت يوم السبت، اللى فات المفروض، كان بينا مشاكل زى أى اتنين عاديين، وقلت دا عادى بيحصل بس اللي متخيلتش إنه يحصل إنه يسيبنى فى القاعة لوحدى.. اتفاجئت إنه مش عازم صحابه ولا قرايبه كلهم، وحسيت فى حاجة غلط، حتى مامته وأخته مفيش واحدة فيهم جت باركتلى وقولت أمشى اليوم".

وأضافت: "كل ما أقوله فين الشبكة اللى هنلبسها يقوللى أصل اتكب عليها شربات أصل وقع جاتوه عليها.. طب خليها بعد البوفيه وكلام كله غريب كدا لحد ما دخلنا بعد البوفيه لقيت أهله كلهم مشيوا.. وقال إيه خالوا تعب! فيقوم أهله كلهم يمشوا وأنا فى القاعة لوحدى بدور عليه ألاقيه بيصرخ برا ويقول خالى عيان وبيلطم وحاجات غريبة كدا، وأنا أقسم بالله ما مستوعبة اللى بيحصل هو فى واحد خاله عيان عيلته كلها بتمشى الستات اختفوا بس كانو بيهزروا فوق نسوا العيان".

وتابعت: "والأنيل إننا اكتشفنا إنهم أخدوا التورت معاهم طب مش خالك عيان.. أخدتوا التورت معاكم ملبستنيش شبكة.. وقبل كل دا بأيام جالى البيت وأخد التوينز بتاعت قراية الفاتحة بحجة إنه عايز يلبسنى كله مرة واحدة فى القاعة وأنا هبلة وافقت مجاش فى بالى للحظة واحدة إنه هيعمل فيا كدا".

واختتمت الفتاة قائلة: "دلوقتى حابة أقول كل دا عشان إيه؟ كان ممكن ننهى بالمعروف من غير أذى نفسى ليا.. كان ممكن تسترجل وتيجى تقولى يلا نفركش وكنت لغيت الخطوبة.. مش جى وبترقص وتقولى محضرلك مفاجأة.. وفى نيتك تعمل فيا كدا.. حسبى الله ونعم الوكيل". 

وبعد ساعات من انتشار البوست على السوشيال ميديا، ظهر تعليق من حساب باسم "مصطفى" يرد على الفتاة باعتباره صاحب القصة، يخبرها أنه نادم على معرفتها وليس نادمًا على ما فعله، ويضيف "لو عايزة تتكلمى احكى للناس الحكاية من البداية.. أنا ندمان على وقتى معاكى، أنا حبيتك بجد بس إنتى للأسف ما تستاهليش الحب دا وكان لازم دى تبقى نهايتك".

ليطلق بعدها رواد مواقع التواصل الاجتماعي، اسم "مصطفى أبوتورتة"، للربط بينه وبين مصطفى أبوحجر، وهو اسم لصاحب شخصية تزوجت ثلاثة نساء وأنجب منهن 3 فتيات داخل قصة فيلم "حب البنات"، بطولة الفنانة ليلى علوي وحنان ترك وهنا شيحة والفنان أشرف عبدالباقي، وكانت الجملة الشهيرة داخل الفيلم "مصطفى أبوحجر".