belbalady.net خرج الفنان مصطفى فهمي عن صمته، وكشف لأول مرة كواليس انفصاله عن زوجته السابقة الإعلامية اللبنانية فاتن موسى.
أوضح مصطفى فهمي أنه تحمل السب والقذف على السوشيال ميديا، إلى أن حدث موقف قرر بعده أنه لن يسكت.
وخلال حواره مع الإعلامي عمرو أديب في برنامج "الحكاية" المذاع عبر قناة MBC مصر، قال مصطفى فهمي: "هي قاعدة في الشقة ومحدش قرب جنبها، وأنا قاعد في لوكاندة وهدومي كلها في البيت، وكانت جايبة بتوع أمن قدام الشقة لمدة 12 يوم."
وشرح طريقة تمكن طليقته من شقة الزوجية قائلا: "حتى لو لها العدة لازم تتمكن عن طريق النيابة، مش تكسر الباب وتدخل."
وأضاف: "أنا بعد 12 يوم جبت واحد بتاع أمن مرخص، عايز أشوف يمكن في حاجات بتخرج من الشقة. بعد 48 ساعة مشوا الجماعة بتوعهم، وبعدها بساعة جت المحامية ومعاها ظابط من قسم الدقي، وادعوا عن شاب الأمن وحارس العمارة إنهم ماسكين سكاكين وسواطير وبيهددوها وهي في الشقة، وإن ده كله تحريض مني."
وتابع: "شاب الأمن وحارس العمارة اتاخدوا على القسم وباتوا ليلتين، والشاب ده في سنة أولى جامعة وبيجري على رزقه، والدته جت القسم وركعت في الشارع على رجل المحامية، وقالتلها ابني هيضيع مستقبله، فقالت الموضوع خرج من إيدي، فأنا قلت مش هسكت. إحنا دخلنا في موضوع إرهاب، دي جريمة إني أحرض على قتل حد."
اقرأ أيضا:
جوجل بلاي| https://bit.ly/3c7eHNk
آب ستور| https://apple.co/3cc0hvm
هواوي آب جاليري| https://bit.ly/3wSqoRC
بالبلدي | BeLBaLaDy
إخلاء مسؤولية إن موقع بالبلدي يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
"جميع الحقوق محفوظة لأصحابها"
المصدر :" في الفن "
0 تعليق