كشفت الفنانة منى زكي عن أجرها وذلك في بودكاست «Big Time» تقديم الإعلامي عمرو أديب قائلة: «أنا مش أعلى أجر، ومعرفش مين أعلى أجر، ولو الفيلم محتاج يتصرف عليه أنا عمري ما باخد أجري».

وأضافت. منى زكي في لقائها مع الإعلامي عمرو أديب في بودكاست بيج تايم: «أحمد حلمي داعم جدًا لي في مواقف كثيرة».

منى زكي تحكي عن إنجابها بعد الـ40 وتجربتها الخاصة مع ابنها الصغير

أما عن الإنجاب في سن الـ 40، أضافت منى زكي: الخلفة بعد الـ 40 سنة صعبة أوي ومخيفة، لأن مبتبقاش ضامن هتعيش معاهم قد إيه، وتوصلهم لأي مرحلة، وبتبقى عايز تديهم كل حاجة لأنك مش عارف الوقت ده قد إيه، إنك تحاول تبسطهم ده مجهود رهيب في الأربعينات ومش سهل، مفيش نفس الطاقة لكن في حنية وفهم أكثر».

كما كشفت منى زكي عن صفات أبنائها قائلة: «بنتي في الجامعة، وهي فنانة بترسم وأنا فخورة بيها، وعندنا عادل ابن الناس الكويسين في فيلم سهر الليالي، وسليم اللي عمره 9 سنين، دكتور في نفسه ومهذب أوي وحساس وذوق جدا».

وتابعت منى زكي عن نجلها الصغير: «ده بلطجي خالص ومخوف البيت كله، وكفاية نظرته وإنك مش متوقع أبدًا رد فعله، وكان عندنا صعوبة في التعامل وأنا شخصيًا كان عندي صعوبة، روحت لحد يقدر يساعدني والموضوع اختلف خالص».

واختتمت منى زكي: «علمني إني لازم الأول أسمعه، وبعدها أفهمه ليه مش هنعمل اللي هو حاسس به، لكن بهدلني سنتين لغاية ما عرفت أتعامل معاه».

عمرو أديب يستضيف.. تفاصيل بودكاست «Big Time» في رمضان 2024

أحمد عز يتصدر التريند في «بودكاست».. ماذا قال خلال ظهوره مع عمرو أديب؟

«من أول الصفر».. بودكاست جديدة تطلقه «المتحدة» لـ عمرو منسي