طرح المطرب رامي جمال منذ قليل أحدث أغانيه،"خليني أشوفك"،عبر قناته الرسمية على موقع الفيديوهات الشهير "يوتيوب"، والأغنية كان من المقرر طرحها غدًا احتفالاً بعيد الفطر، لكنه طرحها اليوم بسبب تسريبها منذ ساعات قليلة على منصات الموسيقى.

أغنية خليني أشوفك من كلمات زياد حسن، ألحان محمود أنور، توزيع عمرو الخضري، والكليب من إخراج ريان الفايز.

كلمات أغنية "خليني أشوفك" للنجم رامي جمال

وجاءت كلمات الأغنية كالآتي:

خليني أشوفك مرة تانية ولو ثواني

عشان أوريك إن أنا بقيت حد تاني

وعشان أقولك إني مزعلتش عليك

مبقاش في قلبي مكان خلاص متساب عشانك

في حاجات كتير من يوم ما غبت خدت مكانك

من يوم ما غبت وقلبي تقريبًا نسيك

أنا فوقت خلاص وقسيت على قلبي وعلمته يبطل إحساس

انت عملتلي عقدة أساساً من كل الناس

ربنا يجازيك وتعيش الجرح اللي أنا شوفته

واللي يخليك تايه من بعدي ومش عارف تتلم عليك

ضيعت عمري عليك ومطلعتش بحاجة

كان لازم أبعد قبل ما أخسر كل حاجة

كان لازم ألحق نفسي ومسيبهاش تضيع

كان فاضل إيه هستناه منك يعني تاني

هستنى إيه من حد ضيعني وأذاني

مش هشتريك عشان انت متعود تبيع

أنا فوقت خلاص وقسيت على قلبي وعلمته يبطل إحساس

انت عملتلي عقدة أساساً من كل الناس

ربنا يجازيك وتعيش الجرح اللي أنا شوفته

واللي يخليك تايه من بعدي ومش عارف تتلم عليك.

آخر أغاني رامي جمال

وكان رامي جمال، قد طرح مؤخرًا أغنية "ابن امبارح"، وهي من كلمات مودي نبيل، ألحان فارس فهمي، وتوزيع وميكس وماستر محمد شفيق، وقد تصدر من خلالها تريند يوتيوب.

اقرأ أيضًا:

رامي جمال يكشف ميعاد طرح أغنيته الجديدة ”خليني أشوفك”

بالصور.. تفاعل الجمهور مع رامي جمال وهارموني عند سفح الأهرامات