الخميس 25/أبريل/2024 - 07:07 ص

كشفت التحقيقات في واقعة مشاجرة مدرسة منهاتن بالبساتين، عن التفاصيل التي أدت إلى نشوبها، وكواليس قيام والد أحد الطلاب بإطلاق 3 طلقات مما أثار الرعب والذعر في نفوس الأهالي والطلاب في الواقعة.

مشاجرة مدرسة منهاتن الدولية بالبساتين

وحصل القاهرة 24 على نص التحقيقات في القضية رقم 7604 لسنة 2024 جنح البساتين،  والثابت به بعد الاطلاع على المذكرة المحرر بفحص بلاغ مشاجرة أمام مدرسة منهاتن الدولية بزهراء المعادي.

وذكرت أوراق التحقيقات في مشاجرة مدرسة منهاتن بالبساتين، تفاصيل وقوع الساحرة والأسباب التي أدت إليها، حيث قال الحسين محمد، صاحب شركة استيراد وتصدير أمام جهات التحقيق: اللي حصل أن أنا وأثناء تواجدي في مكتبي في الشغل ورد لي اتصال تليفوني من أبني ياسين الحسين وكان صوته باين عليه أن هو بيعيط ومنهار وبيقولي يـ بابا أنا أضربت في المدرسة.

وتابع: أنا كنت فاكر أن الموضوع مجرد خناقة عادية ما بين أثنين طلبه صغيرين بس أنا أخدت بعضي وطلعت على المدرسة عشان أشوف في أيه ولما وصلت تقابلت مع مديرة المدرسة وسألتها أنا أبني فين قالتلي أهدى وهتعرف كل حاجه وأحنا معانا كل حاجه واطمن قولت ليها ماشي بس أنا عاوز أشوفه وأشوف مين الي ضربة.

وأكمل ياسين الحسيني والد المجني عليه في مشاجرة البساتين:  عرفت بعد كده ان الي ضرب أبني هو المتهم الطفل ياسين. م  وأبوه م. إ، والمدعو أحمد. ج وعرفت أن الطفل المتهم ضرب ابني في الأرض وكان أبوه ضرب نار حوالين المدرسة والأب برضه ضرب أبني في المدرسة بالأقلام ووقعه على الأرض وأبنه كان بيضرب معاه بالشلاليت وبالأقلام وكل ده وأبني كان واقع في الأرض.

وأردف والد المجني عليه في مشاجرة مدرسة منهاتن بالبساتين: أن المتهم أحمد. ج كان ماسك كذلك في أيده وكان بيضرب ابني برضه وشوفنا الفيديوهات الي تثبت الكلام ده وبعدها النجدة جت ومسكو المتهمين وأخدوا السلاح اللي كان معاهم وبعدها طلعوا بينا كلنا على القسم عشان يتعمل محضر بالواقعة.