أدلى المتهم في واقعة إنهاء حياة صغير شبرا الخيمة، عقب استدراجه إلى شقته لسرقة أعضائه البشرية للحصول على 5 ملايين جنيه، بناءً على طلب مصري مقيم بالكويت، باعترافات مثيرة خلال التحقيقات أمام النيابة العامة.

اعترافات قاتل صغير شبرا الخيمة

وقال قاتل صغير شبرا الخيمة إنه تعرف على الصغير المجني عليه الذي يدعى أحمد، من خلال عمله في مقهى والذي استمر في التردد عليها كزبون عقب أن ترك العمل بها.

وأضاف: كنت بديله شيكولاتة وبعطف عليه ومكنتش أعرف غيره.. فـ بعت صوره لـ علي في الكويت وقالي تمام ماشي.. وقالي هنخدره وتاخده عندك الشقة تاخد العينات.. وهيكلمني فيديو يشرحلي أعمل إيه عشان أخد العينات لما أطلع البيت.. لأني مكنتش فاهم عينات إيه اللي عايزها غير إنها شوية دم عايزهم وخلاص.

وأكمل قاتل صغير شبرا الخيمة: علي بعتلي قائمة بالحاجات اللي محتاجينها وكلمت واحد اسمه علي شغال دليفري وبعتله وقولتله أنا محتاجها من صيدلية عشان أخويا عيان.. ويوم التنفيذ أخدت أقراص مهدئة كتير عشان متوترش ومترددش وأنا بموته.

وواصل المتهم اعترافاته، قائلا: جردت أحمد من ملابسه وعلي قالي هات سرنجة وافتح أمبول واسحبه فيها.. فجبت السرنجة وشديت السائل وسحبت الأمبول كله وركنتها.. وجبت مشرط جراحي ومن عند الصدر دوست ونزلت بالمشرط لحد السرة.. وفتحت الجلد وقالي كل حاجة مطلعها ليها سعرها.. قالي الأمعاء بـ 2.5 مليون جنيه والرئة بـ 3 ملايين جنيه.