الأحد 05/مايو/2024 - 07:56 ص

كشف المنتج محمد مشيش عن تحضيره لعمل درامي جديد، يتناول قصة حياة موسيقار كبير، كما كشف موقفه من أعمال السيرة الذاتية في الوقت الحالي.

وقال محمد مشيش خلال حواره مع القاهرة 24: في موسيقار مصري كبير بحضر مسلسل عن حياته، خلصت عشر حلقات من العمل.

وتابع محمد مشيش: أعمال السيرة الذاتية هتبقى أحسن في وجود المنصات دلوقتي، إننا نعمل 10 حلقات أو 15 بدل الـ 30، وفي نفس الوقت تقنيا الذكاء الاصطناعي هيفيدنا في تقديم الشخصيات اللي مش موجودة، بقى عندنا ادوات احسن دلوقتي، ومفيش حاجة صعبة والأهم السيناريو الجيد والمدروس والموزون.

محمد مشيش يتحدث عن مسلسل بدون سابق إنذار

وسبق وتحدث محمد مشيش عن مسلسل بدون سابق إنذار، الذي شارك به في موسم رمضان الماضي 2024، بطولة الفنان آسر ياسين، وقال: كنا بنفكر نعمل مسلسل اجتماعي بحت نرجع بيه للمسلسلات اللي كنا بنحبها زمان، والصراع الاجتماعي وصراع الطبقات مع بعضها، ولما بيحصل عوائق هما ازاي بيتعاملوا.
وتابع محمد مشيش: محتاجين نوع الدراما دي في رمضان، والـ 15 حلقة ساعدنا، وكنت أتمنى نعمل 10 حلقات.. ومبسوط وسعيد بردود الأفعال.