الخميس 09/مايو/2024 - 09:40 م

طرحت المطربة المغربية نوال عبد الشافي أجدد أغانيها بعنوان يا خيبتو، والتي توجه فيها رسالة للرجل على طريقة أغنيتها الشهير مخصماك بعد النجاح الذي حققته في مصر والوطن العربي خلال الفترة السابقة.

وأغنية يا خيبتو طرحت على طريقة الفيديو كليب وهي من كلمات مصطفى حدوتة وألحان وليد العطار وتوزيع كلوبيكس وإخراج نيروز أبو زيد وإنتاج مصطفى السويفي.

كلمات أغنية يا خيبتو

وتقول كلمات الأغنية: أنا حاطة عينيا عليه.. أنا عارفة بيعمل إيه.. لأ وكمان مش هغلب فيه
لسه صغير مش قدي.. يمشي أعرف رايح فين.. ييجى أعرف جاي منين.. كلم مين وقعد مع مين
أنا أخباره كلها عندي.. يا خيبتو.. يا ويله يا مصيبته.. يا نهاره ويا سواد ليلته لو فكر يوم يزعلنى

ياحوستو.. ده يتقطم وسطه.. لو هتهلوسله هلوسته.. ويفكر يوم يغيب عنى

لو راح في مكان ومقالش مع ان ده ما بيحصلش.. عيني عليه وما بغفلش.. والعصفورة تيجي تقولي

أنا من غير ما مشى وراه طول الوقت مراقباه.. واعرف مين اللى معاه أنا كل حاجه بتوصلي

يا حظو لو شيطانه وزه أنه يجرب معايا حظه ويبص لواحدة تاني غيري
يا غلبه ويا وجع قلبه ده بشوقه وذنبه على جنبه لو راح أي حتة من غيري

لو سابني وراح مشوار بلقُطه وكأني رادار بعرف كل الأخبار من أولها لآخرها

أنا واثقة أنه ما يغلطش.. أنا عارفة أنه مايقدرش لكن برضو أنا مضمنش في حاجات يقدر يعملها

يا خيبته يا ويله يا مصيبته  يا نهاره ويا سواد ليلته لو فكر يوم يزعلنى.. يا حوسته ده يتقطم وسطه.. لو هتهلوسله هلوسته.. ويفكر يوم يغيب عنى

آخر  أغاني نوال عبد الشافي

وكانت آخر أعمال نوال عبد الشافي أغنية خلصانة من تتر مسلسل فراولة بطولة الفنانة نيللى كريم، والذي عرض في الموسم الرمضاني الماضي 2024، وشاركها في الغناء فريق المدفعجية، وهي من كلمات محمود عليم وألحان نور عز العرب وتوزيع هانى يعقوب.

وقبلها طرحت نوال عبد الشافي أغنيتين ضمن أحداث فيلم عادل مش عادل بطولة الفنان أحمد الفيشاوي الذي طرح العام الماضي في دور العرض السينمائي، الأولى الدعائية للعمل بعنوان لسه شوفتوا حاجة والثانية أغنية أنا بلا فخر.
 ويُشار إلى أن نوال عبد الشافي حققت شهرة كبيرة في مصر والوطن العربي بعد طرح أغنيتها مخصماك التي حققت مشاهدات غير مسبوقة على يوتيوب منذ طرحها قبل عامين.