دافع مصطفى يونس، لاعب النادي الأهلي السابق، عن حسام حسن، المدير الفني لمنتخب مصر، بعد التصريحات المثيرة التي أدلى بها، أمس الإثنين، خلال اجتماعه مع عدد من الصحفيين.

وقال مصطفى يونس:" حسام حسن صح في معظم كلامه، لكن مينفعش يصدر من مدرب منتخب مصر، كان ممكن يقول التصريحات دي لو مشي من المنتخب".

وأضاف في تصريحات خاصة لـ موقع "الموجز":" الكرة المصرية في النازل، وكل اللاعبين زي بعض ومحدش بيقدر يصنع الفارق داخل الملعب، والدوري المصري بايظ".

وتابع "بيكينباور الكرة المصرية":" منتخب مصر هيتأهل لكأس العالم؛ لإننا هنلعب في أسهل تصفيات إفريقيا مرت عبر القارة السمراء، لكن حسام حسن لما اتكلم عن عدم التأهل في اتحدث من جانب الواقعية".

وعن أزمة الشيبي والشحات:" مش عارف ليه الأزمة وصلت الفيفا، وليه الفضائح دي كلها، وليه المحاكم والقضايا، ما الراجل اعتذر لازم نكبر الموضوع يعني".

وبشأن علاقة صلاح وحسام حسن:" حسام حسن اللي غلطان في توتر العلاقة، دا بيتقارن بميسي وكريستيانو، واحنا هنا بنهين فيه، والشعب المصري أكتر شعب بيقلل ويهاجم محمد صلاح".

اقرأ أيضًا:

حسام حسن: مفيش أزمة مع محمد صلاح ونصحته يكمل في ليفربول